"Милан" клуби қанот ҳужумчиси Марко Асенсио бўйича "Реал"га таклиф билан чиқди. Бу ёзда футболчи жамоасини ўзгартирмоқчи.
Defense Central хабарига кўра, мадридликлар футболчини 30 миллион евро эвазига қўйиб юборишга тайёр, "Милан" эса 25 миллион евро таклиф қилиши мумкин. Мадриднинг “Реал” клуби футболчини муносиб таклиф тушган тақдирда сотишини қайд этган.
Аввалроқ, 26 ёшли футболчига "Арсенал", "Челси" ва "Ливерпуль" клублари ҳам қизиқиш билдираётгани хабар қилинганди.
2021/22 йилги мавсумда Асенсио “Реал” сафида 42 та ўйинда майдонга тушиб, 12 та гол урди ва 2 та голли узатмани амалга оширди. Transfermarkt.com портали футболчини 40 миллион еврога баҳоламоқда, унинг клуб билан шартномаси 2023 йилнинг июн ойи охиригача амал қилади.
