Олий лиганинг навбатдаги тур ўйинларига тайёргарлик кўраётган «Машъал» жамоамиз бугун Муборакдаги «Баҳром Вафоев» номли стадионда ён қўшнимиз «Бухоро» жамоасига қарши ўртоқлик учрашувини ўтказди. Айтиш мумкинки, мазкур беллашувда муборакликлар иродали ўйин кўрсатган ҳолда 0:2 ҳисобида имкониятни бой бераётиб, якунда 3:2 ҳисобида ғалаба қозонишди.
Меҳмонлардан аввалига Азизбек Муротов ҳисобни очган бўлса, кейинчалик Михаил Какаладзе ҳам гол уришга муваффақ бўлди. Дарвоқе, учрашувдаги барча голлар фақат иккинчи бўлимда киритилди. Шу куни захирадан майдонга туширилган ёш ўйинчимиз Шаҳзод Шаймановга чинакамига омад кулиб боқди. У 65, 67 ва 75-дақиқаларда 3та гол уриб, хет-трик муаллифи бўлди. Шайманов ўзининг дастлабки тўпини Шерзод Файзиевнинг тўп ошириб беришидан сўнг киритган бўлса, кейинги голда унга Сирожиддин Раҳматуллаев, учинчи тўпда эса Габит Сапаргалиев ҳаммуаллифлик қилишди.
Энди ҳар иккала жамоалар 8 июнь куни яна бир бор ўртоқлик баҳсида ўзаро майдонга тушишади. Фақат бу сафарги беллашув Бухорода бўлиб ўтади. Бизга маълуми бўлишича, Бухородаги ўйин 18:00да бошланади.
Ўртоқлик учрашуви. 5 июнь
«МАШЪАЛ» - «БУХОРО» - 3:2
Голлар: Ш.Шайманов, 65, 67, 75 - Муротов, 56. Какаладзе, 61.
«Машъал»: Санжар Қувватов, Алик Ҳайдаров, Илья Фомичев, Тони Линдберг, Аббос Шодмонов, Элдор Эргашев, Игорь Петкович, Мирзоҳид Ғофуров, Самандар Шодмонов, Нодир Давлатов, Тимур Дадашев.
Захирадан тушганлар: Ўткир Юсупов, Шаҳзод Шайманов, Шерзод Файзиев, Ғулом-Ҳайдар Ғуломов, Шуҳрат Муҳаммадиев, Сирожиддин Раҳматуллаев, Дилявер Ваниев, Габит Сапаргалиев.
«Бухоро»: Қобулжонов, Омонов, Отажонов, Кочнев, Сулаймонов, Муротов, Нарзуллаев, Хайров, Какаладзе, Дрожжук, Тарасенко.
Захирадан тушганлар: Цой, Шодиев, Жўраев, Муҳиддинов.
Бош ҳакам: Артём Калинин.
