“Милан”нинг швециялик ҳужумчиси Златан Ибраҳимович клуб билан шартномасини узайтириш борасида келишувга эришди, деб хабар беради Sky Sports.

Қайд этилишича, томонлар яна 1 мавсум - 2023 йилнинг 30 июнига қадар узайтириш борасида келишувга эришган.

Ҳужумчининг маоши гол ва голли узатма учун бонуслар билан бирга 1-1,5 миллион еврони ташкил қилади. Яқин кунларда расмий эълон қилиниши кутилмоқда.

41 ёшли Ибраҳимович ўтган мавсумда “россонерилар” сафида А Серияда 23 та ўйинда майдонга тушиб, 8 та гол урди ва 3 та голли узатмани амалга оширди. Шунингдек, швед ўз клуби билан Италия чемпионига айланди.

Эслатиб ўтамиз, Златан тиззасидан жарроҳлик амалиёти ўтагани сабабли келаси мавсумнинг биринчи қисмини ўтказиб юборади.