“Milan”ning shvesiyalik hujumchisi Zlatan Ibrahimovich klub bilan shartnomasini uzaytirish borasida kelishuvga erishdi, deb xabar beradi Sky Sports.
Qayd etilishicha, tomonlar yana 1 mavsum - 2023 yilning 30 iyuniga qadar uzaytirish borasida kelishuvga erishgan.
Hujumchining maoshi gol va golli uzatma uchun bonuslar bilan birga 1-1,5 million yevroni tashkil qiladi. Yaqin kunlarda rasmiy e’lon qilinishi kutilmoqda.
41 yoshli Ibrahimovich o‘tgan mavsumda “rossonerilar” safida A Seriyada 23 ta o‘yinda maydonga tushib, 8 ta gol urdi va 3 ta golli uzatmani amalga oshirdi. Shuningdek, shved o‘z klubi bilan Italiya chempioniga aylandi.
Eslatib o‘tamiz, Zlatan tizzasidan jarrohlik amaliyoti o‘tagani sababli kelasi mavsumning birinchi qismini o‘tkazib yuboradi.
