“Манчестер Юнайтед” ҳужумчиси Криштиану Роналду яқинда клубнинг янги уй либоси тақдимотида иштирок этди, деб хабар беради Mirror.
Манбага кўра, манкунианликлар ўттиз сонияли тақдимот видеосини тайёрлаган, унда Маркус Рэшфорд ва бошқа футболчилар қаторида Роналду ҳам иштирок этган.
Бироқ, Роналдунинг бошқа клубга кетиши эҳтимоли туфайли видеонинг чиқарилиши кечиктирилди.
Эслатиб ўтамиз, аввалроқ Роналду “Манчестер Юнайтед”ни тарк этишга яқин экани ҳақида хабар берилганди. Юлдуз футболчининг "Челси", "Бавария", "Рома" ва бошқа клублар билан алоқаси борлиги айтилмоқда.
Шунингдек, португалиялик футболчи клубнинг бир нечта машғулотларини ўтказиб юборгани ва жамоа билан мавсумолди турга бормаслиги маълум қилинганди.
