"Милан"нинг собиқ сардори Алессио Романьоли "Лацио" билан шартнома имзолаш учун Римга келди.
Римликлар футболчига 2027 йилгача мўлжалланган шартнома таклиф қилишга тайёр экани маълум қилинганди. 27 ёшли италияликнинг маоши мавсумда 3 миллион еврони ташкил қилиши мумкин.
Эслатиб ўтамиз, Романьоли "Милан"да 2015 йилдан буён ўйнаб келаётган эди. “Россонерилар” жамоасида етти йил давомида “Рома” тарбияланувчиси 247 та ўйин ўтказиб, 10 та гол урган.
Романьолининг "қизил-қоралар" билан шартномаси шу йилнинг ёзида якунига етган. Ўтган мавсумда ҳимоячи “Милан” сафида барча турнирлар доирасида 26 та ўйинда майдонга тушиб, 1 та гол ва битта голли узатмани амалга оширган.