Россия терма жамоаси бош мураббийи Дик Адвокат Евро-2012 да Чехия га қарши ўйин олдидан ўтказилган матбуот анжуманида ўз шогирдларининг турнирга тайёрлигини айтди.
"Тайёргарлигимиз сифали даражада ўтди ва энди яхши натижаларни кутмоқдамиз. Биз саралаш босқичида томошабоп футбол кўрсатиб, яхши ўйнадик. Бизда бошқа 15 жамоа каби умидлар бор. Футболчиларимиз машғулотларда кўрсатгани каби ўйинда ҳам яхши сифатларини кўрсатадилар деб ўйлайман ва узоқ муддат ўйнашга тайёргарлик кўряпмиз.
Бизнинг рақбларимиз ўз таркибларида кўплаб ажойиб футболчиларни жамлаган. Чехия бир неча йил олдин Европа савиясида жуда омадли ўйнаган эди. Ҳозир бу жамоа ўша ҳолатини тиклашга ҳаракат қилмоқда. Албатта, ўша 2004 йилдаги жамоа эмасдир, аммо бу жамоа ҳам яхши жамоа", - дея Адвокатнинг сўзларини келтиради "Чемпионат.com".
