Журналист Николо Скиранинг хабар беришича, "Специя" "Милан" ҳимоячиси Маттиа Кальдарага қизиқиш билдирмоқда.
Манбага кўра, футболчи 2022/23 йилги мавсум охиригача 3 миллион евро эвазига сотиб олиш имконияти билан "Специя"га ижара асосида ўтиши мумкин.
28 ёшли италиялик футболчи эртага, 13 июль куни трансферни якунлаш учун тиббий кўрикдан ўтиши кутилмоқда.
2021/22 йилги мавсумда Кальдара "Венеция" сафида ижара асосида ўйнади, жамоа сафида 33 та ўйинда 1 та гол ва 1 та голли узатмани амалга оширди.
Transfermarkt.com портали ҳимоячини 3,5 миллион еврога баҳоламоқда.