"Челси" бош мураббийи Томас Тухель жамоага янги келиб қўшилган Калиду Кулибали ҳақида фикр билдирди. Германиялик мураббий Сенегал терма жамоаси футболчиси "кўклар" таркибини мукаммал тарзда тўлдиришига ишонмоқда.
"У билан шартнома имзолаганимиздан ва жамоамизга қўшилганимиздан жуда хурсандман. Бу иккинчи трансфер ва бизда кучли футболчи ҳамда кучли шахс бор. Ўйлайманки, у бизнинг таркибимизни мукаммал тарзда тўлдиради", - деди Тухель "Челси" расмий сайтига.
Эслатиб ўтамиз, "Челси" Кулибалининг трансфери учун "Наполи"га 38 миллион евро + 2 миллион бонус тўлайди.
