"Манчестер Юнайтед"нинг собиқ ярим ҳимоячиси Жесси Лингард келаси ҳафтада ўзининг бўлажак клуби ҳақида қарор қабул қилади, дея хабар беради журналист Девид Орнштейн.
Эслатиб ўтамиз, 29 ёшли инглиз бу ёзда манкунианликлар сафини тарк этган ва ҳозирда эркин агент мақомида. Олдинроқ Лингард фаолиятини Саудия Арабистони клубида давом эттириши мумкинлиги ҳақида хабарлар тарқалган эди.
Манбага кўра, футболчи 22 июлдан кечиктирмай янги жамоасига ўтмоқчи. Премьер-лига Лингард учун устувор вариант бўлиб қолмоқда.
Ярим ҳимоячи ўтган мавсумда "Манчестер Юнайтед" сафида 21 та ўйинда майдонга тушиб, 2 та гол ва битта голли узатмага муаллифлик қилган.
