"Бенфика" ҳужумчиси Харис Сеферович "Галатасарой"га ижара асосида ўтади, дея хабар беради журналист Николо Скира.
Манбага кўра, 30 ёшли швейцарияликнинг Истанбул клуби билан ижара шартномаси 2022/2023 йилги мавсум охиригача тузилади.
Қайд этилишича, “Галатасарой” ҳужумчининг шартномасини 3,5 миллион еврога сотиб олиш имкониятига эга бўлади.
Сеферович ўтган мавсумда лиссабонликлар сафида барча турнирларда 15 ўйинда 5 та гол урди ва 3 та голли узатмани амалга оширди. Унинг клуб билан шартномаси 2024 йилнинг 30 июнига қадар мўлжалланган.