“Ювентус”нинг собиқ ҳужумчиси Пауло Дибалада икки йўл бор.

Журналист Жанлука Ди Марционинг ёзишича, аргентиналик футболчига фақат “Наполи” ва “Рома” даъвогарлик қилмоқда. Айни дамда бошқа клублар томонидан қизиқиш йўқ.

Эҳтимол, Дибала тез орада фаолиятини қаерда давом эттириши борасида бир қарорга келади. Пауло янги клубга ўтишни кечиктирмоқчи эмас.

Римликлар Дибала учун ким ошди савдосида қатнашмоқчи эмаслар, шунинг учун улар унга талабларидан пастроқ таклифни беришди. Дибала йилига 6-7 миллион евро олишни истарди, "Рома" унга 4,5 миллион ва бонуслар таклиф қилди.

"Наполи"нинг таклифи футболчининг талабларига жавоб беради. Тез орада Пауло бу икки клубдан бирини танлайди.