"Реал Соседад" "Реал" ярим ҳимоячиси Такефуса Кубо билан шартнома имзолашни кўриб чиқмоқда, деб ёзмоқда журналист Фабрицио Романо ўзининг Twitter саҳифасида.
Баск клуби 21 ёшли японияликга 50 фоиз ҳуқуқлар учун 6,5 миллион евро таклиф қилмоқда. Клублар ўртасидаги музокаралар яқин вақт ичида якунланиши мумкин. "Сосьедад" ярим ҳимоячига 2027 йилгача шартнома таклиф қилмоқчи.
Кубонинг "Реал" билан шартномаси 2024 йилнинг июнигача амал қилади. Transfermarkt портали уни 7,5 миллион еврога баҳоламоқда.
Ўтган мавсумда футболчи "Мальорка"да ижара асосида ўйнаган. У клуб сафида 30 та ўйинда майдонга тушиб, 2 та гол урди ва 3 та голли узатмани амалга оширди.
