"Атлетико Мадрид"нинг собиқ ҳужумчиси, ҳозирда эркин агент бўлган Диего Коста фаолиятини Уругвайда давом эттириши мумкин. Marca хабарига кўра, унга маҳаллий "Пеньярол" клубидан аниқ таклиф бор.
Тажрибали ҳужумчининг сўнгги иш клуби Бразилиянинг "Атлетико Минейро"си бўлди. Жамоа таркибида испаниялик 15 та ўйин ўтказиб, 4 та гол урди ва битта голли узатмани амалга оширди.
Испаниялик ҳужумчи 2021 йилнинг январигача Мадриднинг “Атлетико” клубида тўп сурган. Аввалроқ футболчи “Челси”, “Райо Вальекано”, “Вальядолид”, “Альбасете”, “Сельта”, “Брага” ва “Пенафиел” клубларида ҳам тўп тепган.