"Atletiko Madrid"ning sobiq hujumchisi, hozirda erkin agent bo‘lgan Diyego Kosta faoliyatini Urugvayda davom ettirishi mumkin. Marca xabariga ko‘ra, unga mahalliy "Penyarol" klubidan aniq taklif bor.
Tajribali hujumchining so‘nggi ish klubi Braziliyaning "Atletiko Mineyro"si bo‘ldi. Jamoa tarkibida ispaniyalik 15 ta o‘yin o‘tkazib, 4 ta gol urdi va bitta golli uzatmani amalga oshirdi.
Ispaniyalik hujumchi 2021 yilning yanvarigacha Madridning “Atletiko” klubida to‘p surgan. Avvalroq futbolchi “Chelsi”, “Rayo Valyekano”, “Valyadolid”, “Albasete”, “Selta”, “Braga” va “Penafiyel” klublarida ham to‘p tepgan.