"Андорра" футбол клуби “Барселона” ярим ҳимоячиси Рики Пуч билан шартнома имзолаши мумкин, деб хабар беради Mundo Deportivo.
Манбага кўра, 22 ёшли испаниялик футболчига Франция ва Италиядан таклифлари бор, бироқ у ўз ватанида қолиш ниятида. "Барселона" ҳимоячиси Жерар Пикега тегишли "Андорра" клуби бундан фойдаланмоқчи.
"Агар Рики Пуч футболдан завқ олишни истаса, мен велосипедда юраман, "Барселона"га бораман ва уни "Андорра"га олиб келаман", - деди "Андорра" бош мураббийи Эдер Сарабия.
Янги мавсумда клуб Испания чемпионатининг иккинчи дивизионида иштирок этади.
Пучнинг "Барселона" билан шартномаси 2023 йилнинг июнида якунига етади. Ўтган мавсумда у Каталония клуби сафида 17та ўйин ўтказиб, 1та гол урган.