"Барселона" президенти Жоан Лапорта ҳужумчи Роберт Левандовскининг клубга ўтиши ҳақида фикр билдирди.
"Барселона"га, ҳар қандай буюк жамоада бўлгани каби, кўп гол урадиган ҳужумчи керак. Роберт пулемётчи, у бир неча бор "олтин бутса" билан тақдирланган. У голларни кафолатлайди, ҳар бир буюк жамоага голларни кафолатлайдиган ҳужумчи керак. У билан, Ансу Фати ва Обамеянг билан биз голлар кафолатига эгамиз. Робертни қўлга киритиш учун "ПСЖ" ва "Челси" каби жамоалар билан рақобатлашдик ва у бу ерга келишни хоҳлади. У жиддий босимга чидаши керак эди", - дея Лапортанинг сўзларини келтиради Marca.
16 июл куни "Барселона" "Бавария" билан Левандовскини сотиб олиш бўйича келишувга эришганини эълон қилди. Ҳужумчи каталонияликлар билан шартномани яна бир йилга узайтириш имконияти билан 2025 йилга қадар имзолайди.
"Бавария"да 8 мавсум давомида Левандовски 375 ўйинда 344 гол урди ва 72 голга ассистентлик қилди.
