"Реал" клуби "Челси" ҳимоячиси Рис Жеймсга қизиқиш билдирмоқда, деб хабар беради Picón.
Манба берган хабарга кўра, "қаймоқранглилар" раҳбарияти 22 ёшли англиялик футболчининг шартномаси билан боғлиқ вазиятни кузатиб бормоқда ва келаси ёзда футболчи билан шартнома имзолаш учун курашишга тайёр.
Жеймснинг Лондон клуби билан амалдаги шартномаси 2025 йилнинг ёзига қадар тузилган. Transfermarkt портали англиялик футболчини 60 миллион еврога баҳоламоқда.
Олдинроқ "кўклар" раҳбарияти ўз тарбияланувчиси билан шартномани узайтирмоқчи экани ҳақида хабар берилганди.
Ўнг қанот ҳимоячиси ўтган мавсумда "Челси" сафида 39 та ўйинда майдонга тушиб, 6 та гол урди ва 10 та голли узатмани амалга оширди.
