"Real" klubi "Chelsi" himoyachisi Ris Jeymsga qiziqish bildirmoqda, deb xabar beradi Picón.

Manba bergan xabarga ko‘ra, "qaymoqranglilar" rahbariyati 22 yoshli angliyalik futbolchining shartnomasi bilan bog‘liq vaziyatni kuzatib bormoqda va kelasi yozda futbolchi bilan shartnoma imzolash uchun kurashishga tayyor.

Jeymsning London klubi bilan amaldagi shartnomasi 2025 yilning yoziga qadar tuzilgan. Transfermarkt portali angliyalik futbolchini 60 million yevroga baholamoqda.

Oldinroq "ko‘klar" rahbariyati o‘z tarbiyalanuvchisi bilan shartnomani uzaytirmoqchi ekani haqida xabar berilgandi.

O‘ng qanot himoyachisi o‘tgan mavsumda "Chelsi" safida 39 ta o‘yinda maydonga tushib, 6 ta gol urdi va 10 ta golli uzatmani amalga oshirdi.