"Лацио" президенти Клаудио Лотито "Рома"нинг Конференциялар лигасидаги ғалабаси ҳақида фикр билдирди. Эслатиб ўтамиз, 2022 йилнинг май ойида Жозе Моуриньо шогирдлари турнирнинг финал учрашувида Роттердамнинг "Фейеноорд" клубини мағлуб этишган эди.
"Биз ажойиб жамоани яратдик, шунинг учун бизда ҳасад қиладиган ҳеч нарса йўқ", - дейди "Лацио" президенти Calciomercato билан суҳбатда.
Аввалроқ, "Лацио" "Рома" тарбияланувчиси бўлган Алессио Романьолини эркин агент сифатида ўз сафига қўшиб олганди. Шартнома имзолангач, италиялик футболчи болалигиданоқ “бургутлар”га ишқибозлик қилганини айтганди.
"Лацио" ўтган мавсумда А Серияда бешинчи, "Рома" эса олтинчи ўринда якунланди.
