Каталониянинг “Барселона” клуби президенти Жоан Лапорта ёзда амалга ошира олган трансферлар ҳақида фикр билдирди.
"Биз жамоани янада рақобатбардош қилиш ниятидамиз. "Барселона" яхши ривожланмоқда. Роберт Левандовскини қўлга киритишга муваффақ бўлганимиз жуда яхши. Биз биргаликда "Барселона"ни Европа футболи элитасига қайтарамиз", - деди Лапорта.
Эслатиб ўтамиз, бу ёзда "Барселона" Левандовскидан ташқари бразилиялик ярим ҳимоячи Рафиньяни ҳам ўз сафига қўшиб олди.
Шунингдек, яқин орада жамоа сафига испаниялик Сезар Аспиликуэта ҳам қўшилиши кутилмоқда.
