"Ювентус" бош мураббийи Массимилиано Аллегри жамоанинг ёзги трансферлари ҳақида ўз фикри билан ўртоқлашди.
“Ди Мария ва Погба ажойиб. Бизда Гаттидек ёш ўйинчи бор ва мен ҳали ҳам қадрлашим керак бўлган бошқа ёш футболчилар бор. Биз излаётган хусусиятларга эга жисмонан кучли футболчи Бремернинг келганидан жуда мамнунман. Бу даражадаги ҳимоячилар унчалик кўп эмас, клуб тезда де Лигтнинг ўрнини боса олди", - дея Аллегрининг сўзларидан иқтибос келтиради Sky Sports Italia.
Ярим ҳимоячи Пол Погба ва ҳужумчи Анхел Ди Мария шу ёзда "Ювентус"га эркин агент сифатида қўшилди. Турин клуби, шунингдек, "Бавария"га ўтган Маттейс де Лигт ўрнига "Торино" ҳимоячиси Бремерни ҳам қўлга киритди.
