"Барселона"нинг собиқ ҳимоячиси Карлес Пуйоль ҳужумчи Алексис Санчеснинг Каталония клубига қайтишини исташини айтди.
"Бу менга боғлиқ эмас, лекин мен Алексисга яна “Барселона”да ўйнаш имкониятини беришини истардим. У мен билан бирга ўйнаган энг иқтидорли футболчилардан бири. Ишончим комилки, у ҳозирда ажойиб ўйин кўрсатиши мумкин, аммо менимча, у "Барселона"да ўйнаши керак", - деди Пуйоль SPORT нашрига.
Қизиғи шундаки, ҳозирда Санчес ўйнаётган Миланнинг "Интер" клуби ҳужумчини шу ёзда "Барселона"га таклиф қилганди, аммо каталонияликлар Роберт Левандовски ва Рафинья трансферларига эътибор қаратишга қарор қилишди.
Ўтган мавсумда Санчес А Серияда 27та ўйинда майдонга тушиб, 5та гол урди ва 2та голга ассистентлик қилди.
