Мёнхенгладбахнинг "Боруссия" клуби ҳужумчиси Алассан Плеа Франция 1-лигасига қайтишга қизиқмоқда, деб хабар беради L'Equipe. Футболчини "Марсель" ва "Ницца" клублари ўз сафига қўшиб олмоқчи.
Мёнхенгладбахнинг "Боруссия"си билан келишуви бир йилдан кейин тугайдиган Плеа клубнинг шартномани узайтириш таклифини рад этди. Футболчи Францияга қайтишдан манфаатдор ва уни "Марсель" ва "Ницца" вариантлари ўзига жалб қилмоқда.
Алассан ўтган мавсумда немис клубида 33 та ўйин ўтказиб, 10 та гол ва 8 та голли узатмани амалга оширди, шунингдек, форвард 4 та сариқ карточка олди. Transfermarkt маълумотларига кўра, ҳужумчининг нархи 15 млн евро.
