"Манчестер Сити" ярим ҳимоячиси Жек Грилиш янги келган Эрлинг Холанд Англияда яхши ўйин кўрсатишига ишонмоқда.
“Эрлинг машғулотларда яхши кўринмоқда ва менимча, у формага киргач, уни тўхтатиб бўлмайди. Мен Эрлинг билан ўйнашни жуда интиқлик билан кутяпман ... У менга "Мен сизнинг нархингизнинг ярмиман, шунинг учун менда босим йўқ!", деди - дея Грилишнинг сўзларидан иқтибос келтирмоқда Manchester Evening News.
1 июль куни 21 ёшли Холанд "Боруссия Дортмунд"дан 60 миллион евро эвазига "Манчестер Сити"га ўтган эди. Ўтган мавсумда норвегиялик футболчи немис клуби сафида 30та ўйинда майдонга тушиб, 29та гол урди ва 8та голли узатмани амалга оширди.