"Манчестер Юнайтед" ярим ҳимоячиси Жейдон Санчо янги бош мураббий Эрик тен Хаг қўл остида ишлагани ҳақидаги таассуротлари билан ўртоқлашди.
Санчонинг фикрича, бугунги “Манчестер Юнайтед” аввалги мавсумда Оле-Гуннар Сулшер ва Ралф Рангник бошқарган жамоадан кескин фарқ қилади.
"Ўртоқлик ўйинларига қаранг, ўйин аниқ тузилмага эга, бизда гол уриш учун имкониятлар кўпроқ. Биз тўпни яхшироқ ушлаб турамиз ва у билан самаралироқ ишлаймиз", - дея Санчонинг сўзларидан иқтибос келтиради инглиз клуби матбуот хизмати.
Англиялик футболчи нидерландиялик мутахассис жамоанинг жипслигига катта эътибор қаратишини ҳам таъкидлади.
