“Челси” ярим ҳимоячиси Каллум Хадсон-Одои “Манчестер Сити”дан 50 миллион евро эвазига “аристократлар” лагерига кўчиб ўтган янги футболчи Рахим Стерлинг ҳақида гапирди.

«У мен билан бир позицияда ўйнайди, шунинг учун ундан ўрнак олсам яхши бўларди. Ундан ўрганадиган нарсаларим кўп. Рахим жамоани бошқариб, совринлар ютишни истайди», - дейди Хадсон-Одои.

Эслатиб ўтамиз, Каллум Хадсон-Одои жароҳати сабаб ўтган мавсум якунини ўтказиб юборган эди. Футболчи ёзда формага қайтиш ва мавсумолди йиғинга муносиб тайёргарлик кўриш учун таътилга чиқмаган.