“Chelsi” yarim himoyachisi Kallum Xadson-Odoi “Manchester Siti”dan 50 million yevro evaziga “aristokratlar” lageriga ko‘chib o‘tgan yangi futbolchi Raxim Sterling haqida gapirdi.

«U men bilan bir pozisiyada o‘ynaydi, shuning uchun undan o‘rnak olsam yaxshi bo‘lardi. Undan o‘rganadigan narsalarim ko‘p. Raxim jamoani boshqarib, sovrinlar yutishni istaydi», - deydi Xadson-Odoi.

Eslatib o‘tamiz, Kallum Xadson-Odoi jarohati sabab o‘tgan mavsum yakunini o‘tkazib yuborgan edi. Futbolchi yozda formaga qaytish va mavsumoldi yig‘inga munosib tayyorgarlik ko‘rish uchun ta’tilga chiqmagan.