Лас-Вегасда уч клуб раҳбарлари Европа Суперлигаси лойиҳасини муҳокама қилиш учун учрашди, деб хабар беради FCBN.
Учрашувда "Барселона" президенти Жоан Лапорта, "Реал" президенти Флорентино Перес ва "Ювентус" президенти Андреа Аньелли иштирок этди. Томонлар турнирни жонлантириш учун Европа Суперлигасига қандай ўзгартиришлар киритиш кераклигини муҳокама қилишди.
Эслатиб ўтамиз, 2021 йилнинг апрел ойида Европанинг 12 клуби Европа Суперлигаси ташкил этилганини эълон қилган эди. Бироқ орадан икки кун ўтиб, бир қанча жамоалар турнирни тарк этишди ва лойиҳа тўхтатилди.
Апрель ойида Мадриддаги хўжалик суди УЕФА ва Халқаро футбол федерацияси (ФИФА)нинг янги турнир ташкил этишни режалаштираётган клубларга нисбатан санкциялар қўллашига тўсқинлик қилган чораларни бекор қилди.
