Las-Vegasda uch klub rahbarlari Yevropa Superligasi loyihasini muhokama qilish uchun uchrashdi, deb xabar beradi FCBN.

Uchrashuvda "Barselona" prezidenti Joan Laporta, "Real" prezidenti Florentino Peres va "Yuventus" prezidenti Andrea Anyelli ishtirok etdi. Tomonlar turnirni jonlantirish uchun Yevropa Superligasiga qanday o‘zgartirishlar kiritish kerakligini muhokama qilishdi.

Eslatib o‘tamiz, 2021 yilning aprel oyida Yevropaning 12 klubi Yevropa Superligasi tashkil etilganini e’lon qilgan edi. Biroq oradan ikki kun o‘tib, bir qancha jamoalar turnirni tark etishdi va loyiha to‘xtatildi.

Aprel oyida Madriddagi xo‘jalik sudi UYEFA va Xalqaro futbol federasiyasi (FIFA)ning yangi turnir tashkil etishni rejalashtirayotgan klublarga nisbatan sanksiyalar qo‘llashiga to‘sqinlik qilgan choralarni bekor qildi.