"Барселона" ҳужумчи Мемфис Депайдан қутулмоқчи.
Ас нашри хабарига кўра, Хави ҳужумчи билан АҚШдаги турнеси чоғида танишган. Мураббий футболчи билан ҳалол бўлишни хоҳлади ва 28 ёшли футболчининг аҳволини яширмади.
Хавининг Депайга айтишича, Роберт Левандовски ва Рафинья трансферлари, шунингдек, Усмон Дембеле билан янги шартнома имзолангандан сўнг унинг майдонга тушиш имкониятлари минималлаштирилади.
Шу боис, "кўк-анорранглилар" мураббийи футболчига янги клуб излашни, акс ҳолда бутун мавсумни захира ўриндиғида ўтказишини маслаҳат берган.
"Барселона" Мемфис учун камида 20 миллион евро талаб қилмоқда. Ҳужумчининг каталонияликлар билан шартномаси 2023 йилнинг ёзида тугашини инобатга олсак, клуб унинг учун юқорироқ суммани талаб қила олмайди.
"Барса" ҳужумчига Премьер-лига қизиқиш билдириши мумкин деб ҳисобламоқда, шунинг учун клуб тегишли таклифларни кутади.
Депайнинг кетиши "Барса"га маошлар назоратини бироз енгиллаштириш имконини беради. Шунингдек, шундан сўнг Левандовски учун 9-рақам чиқарилади, бу рақам остида "Бавария"нинг собиқ ҳужумчиси фаолиятининг кўп қисмини ўтказган.