"Barselona" hujumchi Memfis Depaydan qutulmoqchi.

As nashri xabariga ko‘ra, Xavi hujumchi bilan AQSHdagi turnesi chog‘ida tanishgan. Murabbiy futbolchi bilan halol bo‘lishni xohladi va 28 yoshli futbolchining ahvolini yashirmadi.

Xavining Depayga aytishicha, Robert Levandovski va Rafinya transferlari, shuningdek, Usmon Dembele bilan yangi shartnoma imzolangandan so‘ng uning maydonga tushish imkoniyatlari minimallashtiriladi.

Shu bois, "ko‘k-anorranglilar" murabbiyi futbolchiga yangi klub izlashni, aks holda butun mavsumni zaxira o‘rindig‘ida o‘tkazishini maslahat bergan.

"Barselona" Memfis uchun kamida 20 million yevro talab qilmoqda. Hujumchining kataloniyaliklar bilan shartnomasi 2023 yilning yozida tugashini inobatga olsak, klub uning uchun yuqoriroq summani talab qila olmaydi.

"Barsa" hujumchiga Premyer-liga qiziqish bildirishi mumkin deb hisoblamoqda, shuning uchun klub tegishli takliflarni kutadi.

Depayning ketishi "Barsa"ga maoshlar nazoratini biroz yengillashtirish imkonini beradi. Shuningdek, shundan so‘ng Levandovski uchun 9-raqam chiqariladi, bu raqam ostida "Bavariya"ning sobiq hujumchisi faoliyatining ko‘p qismini o‘tkazgan.