Жанлука Скамакка инглиз клубига ўтади.
"Вест Хэм" 23 ёшли футболчи билан шахсий шартнома шартлари бўйича келишиб олди.
"Сассуоло" трансфер учун Лондон жамоасидан 30,5 миллион фунт олади, қўшимча равишда яна 5 миллион бонус сифатида тақдим этилади.
Скамакка сешанба куни "Вест Хэм" учун тиббий кўрикдан ўтиши кутилмоқда.
Италиялик футболчи клуб билан яна бир мавсум узайтириш имконияти билан 5 йиллик шартнома имзолайди.
Ўтган мавсумда Скамакка А Сериянинг 36 ўйинида 16 та гол урди ва "Сассуоло"нинг энг яхши тўпурари бўлди.
