"Челси" ҳужумчиси Тимо Вернернинг агенти ўз мижозини хизматини турли клубларга таклиф қилмоқда. Бу ҳақда журналист Николо Скира хабар бермоқда.
Манба берган хабарга кўра, 26 ёшли германиялик футболчига "Ювентус", "Ньюкасл" ва "Боруссия" (Д) жамоалари даъвогарлар қаторида тилга олинмоқда.
Олдинроқ Тимо Вернер жамоани тарк этмоқчи эканлиги маълум бўлганди. Инглиз клуби 26 ёшли футболчининг кетишига қарши эмас. "Челси" унинг трансферидан 39 миллион евро ишлаб олиш ниятида. 2020 йилнинг июль ойида “Челси” “Лейпциг” жамоасига футболчининг трансфери учун 53 миллион евро берган эди.
Вернер ўтган мавсумда барча мусобақаларда 37 та ўйинда 11 та гол урди ва 6 та голли узатмани амалга оширди. Унинг Лондон клуби билан шартномаси 2025 йилда якунига етади. Вернернинг трансфер нархи 35 миллион еврога баҳоланган.
