"Лион" ярим ҳимоячиси Лукас Пакета Лондоннинг "Арсенал" клубига ўтишни рад этганидан кейин "Тоттенхэм" га ўтишни маъқул кўрмоқда.
"Канонирлар" Бразилия терма жамоаси футболчисига анчадан бери қизиқиш билдиришаётганди ва биринчи бўлиб "Лион" билан музокарага киришишди, аммо кейин "Тоттенхэм" ва "Манчестер Сити" ушбу трансфер учун даъвогарлик қила бошлади.
Айни вақтда футболчи учун “шпорлар” асосий фаворит ҳисобланади. Лондоннинг икки клуби ўртасида танловни инобатга олган ҳолда, Пакета "Тоттенхэм"га ўтиш эҳтимоли кўпроқ, чунки клуб Чемпионлар лигасида ўйнайди, дея хабар бермоқда Sun нашри.
Ўтган мавсумда футболчи Франция чемпионатида 35 та ўйинда майдонга тушиб, 9 та гол урди ва 6 та голли узатмани амалга оширди.
