"Реал Солт Лейк" клубининг 21 ёшли мексикалик дарвозабони Давид Очоа "Ди Cи Юнайтед" жамоасига кўчиб ўтди.
Трансфер суммаси 75 минг долларни ташкил этди, бироқ футболчи келажакда шартномани узайтирса, сумма бир неча баробар ошиши мумкин. Шунингдек, "Реал Солт Лейк" футболчининг МЛСдан ташқаридаги кейинги трансфер суммасининг 25 фоизини олади.
Аввалроқ, дарвозабонга "Барселона", "Америка", "Монако" ва "Манчестер Юнайтед" клублари қизиқаётган эди.
Дарвозабон жорий мавсумда "Реал Солт Лейк" ёшлар жамоасида МЛСнинг Next Pro чемпионатида иккита ўйинда майдонга тушди ва тўртта гол ўтказиб юборди.
Очоа АҚШ ва Мексиканинг ёшлар ҳамда ўсмирлар терма жамоаларида ўйнаган. Бу йил у Мексиканинг асосий терма жамоасига чақирилди, бироқ ҳали расмий ўйинда дебют ўтказмади.
