Локомотив ёшлари шу кунга қадар кетма кет учрашувларда ғалаба нималигини билмай келаётган эдилар. Марат Мифтахуддинов шогирдлари Машъалучрашувга чемпионатимизда кичик танаффус эълон қилинганлиги боис яхши тайёргарлик кўрдилар.
Учрашувни бошиданоқ ташаббусни қўлга олишган темирйўлчилар биринчи қарши ҳужумдаёқ ўз дарвозаларидан тўп олиб чиқишга мажбур бўлдилар. Дарвозабон билан бирга бир вазиятга чиқибборган Бобур Давлатов Локомотив дарвозасини 3 дақиқадаёқ ишғол этишга эришди.
Шундан сўнг ҳужумга зўр берган ёш темирйўлчилар учрашувнинг 16 дақиқасида ҳисобни тенглаштирдилар. Чап қанотдан Никита Ефременко ошириб берган берган тўпидан сўнг Николай Гурьянов боши билан Ўткир Юсупов қўриқлаётган дарвозани ишғол қилди.
Ушбу голдан рухланган Локомотив футболчилари учрашувнинг 31 дақиқасида энди олдинга чиқиб олдилар. Олим Новкаровга жарима майдони ташқарисида қўполлик ишлатган Машъал футболчилари дарвозаси томон жарима тўпи белгиланди. Жаримадан эса Музаффар Умирзоқов ажойиб тарзда фойдаланди ва Локомотивни олдинга олиб чиқди. Шу тариқа биринчи бўлимда ҳисоб ўзгармай қолди.
Иккинчи бўлимда эса Машъал Сулаймон Ахмедкаримов қўриқлаётган дарвоза олдида кўплаб ҳужумлар уюштирдилар. Учрашувнинг иккинчи бўлими бироз асабий тарзда кечди ва 61 дақиқада иккинчи сариқ карточкасини ишлаб олган Ҳамидов Жавохир майдонни тарк этди ва учрашув сўнгига қадар Локомотив 10 киши бўлиб ҳаракат қилди. Ушбу ўйинда дарвозада ва ҳимояда яхши ҳаракат қилган темирйўлчилар ўз дарвозаларини мустахкам сақладилар. Учрашувда ҳисоб ҳакам хуштаги чалгунча сақланиб қолди ва Локомотив иродали ғалабага эришди.
"Локомотив" (Тошкент) – "Машъал" (Муборак)2:1 (2:1)
Голлар: Николай Гурьянов (16), Музаффар Умирзоқов (31) – Бобур Давлатов (3)
"Локомотив": С. Ахмедкаримов, Ж. Ҳамидов, А. Пўлатов, А. Нўмонов, Т.Айзаттулов. Б. Йўлдошев (Махмудов), Н. Ефременко, И. Алибаев, М. Умирзоқов, Николай Гурьянов (Тиллабоев), Олим Новкаров (Абдурахмонов)
"Машъал": Ў. Юсупов, С. Рахматуллаев, Ж. Абдумўминов, Б. Давлатов, Ш. Шайманов (Абдухакимов), Х.Суюнов, Ш. Қиличев, О. Шукуров, Н. Давлатов (Махмудов), Ғ. Ғуломов
Ҳакамлар: М.Мухаммадов (Тошкент вил), Ф.Ёрмухаммедов (Тошкент), Ў.Охунжонов (Тошкент), Д.Пислигин (Тошкент).
Қизил карточка: Ҳамидов (Локомотив) 61 мин.
Назоратчи: Р.Серазитдинов (Тошкент).
