"Аталанта" ушбу трансфер ойнасида ҳужумчи Луис Муриэль билан хайрлашиши мумкин. Бергамо клуби ҳужумчини 15 миллион еврога сотишга тайёр, деб хабар беради Tuttosport.
31 ёшли колумбиялик футболчига асосий даъвогар "Ювентус" бўлиб турибди.
2021/22 йилги мавсумда Муриэль "Аталанта" сафида барча мусобақаларда 39 та ўйинда 14 та гол урди ва 10 та голли узатмани амалга оширди. Ҳужумчининг бергамоликлар билан шартномаси 2023 йилгача мўлжалланган.
Бунгача колумбиялик футболчи "Сампдория", "Удинезе", "Севилья" ва "Фиорентина" каби клубларда тўп тепган.
