"Atalanta" ushbu transfer oynasida hujumchi Luis Muriel bilan xayrlashishi mumkin. Bergamo klubi hujumchini 15 million yevroga sotishga tayyor, deb xabar beradi Tuttosport.

31 yoshli kolumbiyalik futbolchiga asosiy da’vogar "Yuventus" bo‘lib turibdi.

2021/22 yilgi mavsumda Muriel "Atalanta" safida barcha musobaqalarda 39 ta o‘yinda 14 ta gol urdi va 10 ta golli uzatmani amalga oshirdi. Hujumchining bergamoliklar bilan shartnomasi 2023 yilgacha mo‘ljallangan.

Bungacha kolumbiyalik futbolchi "Sampdoriya", "Udineze", "Sevilya" va "Fiorentina" kabi klublarda to‘p tepgan.