Журналист Санти Аунанинг хабар беришича, "Лидс" "Ньюкасл"нинг 25 ёшли вингер Жек Харрисон борасидаги таклифини рад этди.

Манбага кўра, "Ньюкасл" футболчи учун 40 миллион евро таклиф қилган, аммо "Лидс" Харрисон учун камида 47 миллион талаб қилмоқда.

Олдинроқ "Ньюкасл" "Лестер" ярим ҳимоячиси Жеймс Мэддисонга қизиқиш билдираётгани ҳақида хабар берилганди.

Харрисон ўтган мавсумда "Лидс" сафида 38 та ўйинда майдонга тушиб, 10 та гол урди ва 2 та голли узатмани амалга оширди.

Transfermarkt портали англиялик футболчини 18 миллион еврога баҳоламоқда.