Мадриднинг “Атлетико” клуби ҳужумчиси Матеус Куньянинг айтишича, Мадрид клуби Ла Лиганинг яқинлашиб келаётган мавсумида чемпионлик учун кураша олади.
"Атлетико" тарихи шуни кўрсатадики, биз мавсумни қатъият билан бошлашимиз ва ҳар бир ўйинда бор кучимизни беришимиз керак. Бизда кучли жамоа ва ажойиб мураббийлар штаби бор. Турнир жадвалида биринчи ўринда бўлиш учун бизда ҳамма нарса бор. Биз рақибларимизнинг кучини биламиз ва яхши иш қилганимизга ишонамиз", - дея Куньянинг сўзларини келтиради Marca.
Бразилиялик ҳужумчи 2021 йилнинг августида “Герта”дан Мадрид клубига ўтган эди. 23 ёшли ҳужумчи ўтган мавсумда "Атлетико" сафида барча турнирлар доирасида 37 та ўйинда майдонга тушиб, 7 та гол урди ва 6 та голли узатмани амалга оширди.