"Манчестер Юнайтед" ва Россия терма жамоаси собиқ ярим ҳимоячиси Андрей Канчельскис Криштиану Роналдунинг келажаги ҳақида ўз фикрлари билан ўртоқлашди.
Аввалроқ, 37 ёшли ҳужумчи ёзда инглиз клубини тарк этиш ниятида экани ҳақида хабар берилганди. Испания матбуоти хабарига кўра, португалиялик футболчига "Наполи" қизиқиш билдирмоқда.
Канчельскис ҳужумчи фаолиятини Америка клубларидан бирида давом эттиришига ишонмоқда.
“Бу ерда бутунлай бошқача футбол бор, улар уни ўша ерда яхши кўришади, у ерда у бутун лига ва минтақада биринчи рақамли юлдузга айланади”, — дейди Канчельскис.
