"Арсенал" ярим ҳимоячиси Эмиль Смит-Роу ёзда "Манчестер Сити"дан сотиб олинган бразилиялик ҳужумчи Габриэль Жезуснинг трансфери ҳақида фикр билдирди.
“Жамоага янги келганлар аллақачон кўп иш қилишяпти, улар жуда яхши. Менга Жезуснинг ўйнаши ёқади. Унинг майдонда қанчалик хавфли бўлиши мумкинлигини ҳам билмасдим. Жамоада ҳамма янги мавсум бошланишини интиқлик билан кутмоқда”, - дея хабар беради ярим ҳимоячи Mirror билан суҳбатда.
25 ёшли марказий ҳужумчи июль ойи бошида “канонирлар” сафига келиб қўшилганди. Габриэль Лондон клуби билан 2027 йилнинг ўрталарига қадар шартнома имзолади. Унинг трансфери учун "Арсенал" "шаҳарликлар"га 52,5 миллион евро тўлади.
