"Манчестер Юнайтед" "Барселона" ярим ҳимоячиси Френки де Йонгга учун курашда асосий даъвогарга айланди. Sport.es нашри хабарига кўра, нидерландиялик футболчи тез орада "қизил иблислар" аъзоси сифатида таништирилади.
"Манкунианликлар" бош мураббийи Эрик тен Хаг томонлар ўртасидаги музокараларда асосий омил бўлди. Мутахассис Френки билан шахсий суҳбатлашиб, уни "Юнайтед" таклифини қабул қилишга кўндирган. Де Йонг аввалроқ "Олд Траффорд"га ўтишни рад этганди.
Яқин вақт ичида клублар музокаралар олиб боришади ва 25 ёшли футболчининг трансфери бўйича якуний тафсилотларни келишиб олишади. Ярим ҳимоячининг трансфер нархи 60 миллион еврога баҳоланмоқда.
