Англиянинг "Манчестер Юнайтед" жамоаси бразилиялик ҳимоячи Рафаэль Да Сильва билан амалдаги шартномани яна 4 йилга узайтирган, деб хабар бермоқда, манкунианликлар расмий сайти.
Эслатиб ўтамиз Рафаэль ўз эгизак акаси Фабио билан 2008-йили Бразилиянинг "Флуминенсе" клубидан таклиф этилгандилар.
Ўтган мавсумда Рафаель "МЮ" сафида 12 та учрашувда майдонга тушган.
Рафаель Манчестерда ўзини жуда баҳтиёр ҳис этмоқда. "МЮ" дунёнинг энг кучли клубларидан бири ва ҳар йили деярли барча турнирларда иштирок этиб келади. Бу шартномадан икки тараф ҳам ҳурсанд" дейди футболчининг агенти Кассиано Перейра.
Ўз навбатида, Рафаельнинг эгизак акаси Фабио "МЮ"ни тарк этадиганга ўхшаб турибди. Маълумотларга қараганда Фабио Да Сильва келаси мавсум бошидан бошқа клубга ижарага берилади. Бу клуб эса "КПР" бўлиши кутилмоқда.
