Италиялик журналистлар Алексис Санчеснинг агенти Фернандо Фелиcевич билан бирга ресторанда кечки овқатни бирга тановул қилаётганида учратиб қолишди. Оммавий ахборот воситалари вакиллари чилилик ҳужумчига келажаги ҳақида бир неча саволлар беришди.

"Мен ҳали ҳеч нарса қарор қилганим йўқ. Мен хотиржамман. Мен футбол ўйнашни хоҳлайман", - деди Санчес Goal билан суҳбатда.

“Менинг келажагим “Интер”дами? Мухлислар билан хайрлашишга ҳали эрта", - дея қўшимча қилди чилилик ва батафсил маълумот учун агенти билан боғланишни таклиф қилди.

Аввалроқ матбуотда Алексис Санчес "Интер" билан шартномасини бекор қилишга келишиб олгани ҳақида хабарлар тарқалган эди.