Туриннинг “Ювентус” клуби ҳимоячиси Даниэле Ругани ёзда жамоани тарк этиши мумкин. Италиялик журналист Алфредо Педулла хабарига кўра, футболчи "Сампдория"га ўтиши мумкин.

Куннинг иккинчи ярмида Ругани “кекса синёра” бош мураббийи Массимилиано Аллегри билан суҳбатлашган ва у майдонга тез-тез чиқиб туриш истагини билдирди.

Яқин орада "Ювентус" раҳбарияти "Сампдория" билан музокара ўтказади, чунки бу жамоа футболчининг хизматларига кўпроқ қизиқиш билдирмоқда.

Инсайдернинг қўшимча қилишича, келишув тафсилотларидан бири футболчи маошининг ярмини, яъни 1,4 миллион еврони қоплаб бериш ҳуқуқи бўлиши мумкин.

Италиялик ҳимоячи учун бошқа даъвогарлар – “Эмполи”, “Верона” ва Туркиянинг “Галатасарой” клубларидир.