Turinning “Yuventus” klubi himoyachisi Daniele Rugani yozda jamoani tark etishi mumkin. Italiyalik jurnalist Alfredo Pedulla xabariga ko‘ra, futbolchi "Sampdoriya"ga o‘tishi mumkin.

Kunning ikkinchi yarmida Rugani “keksa sinyora” bosh murabbiyi Massimiliano Allegri bilan suhbatlashgan va u maydonga tez-tez chiqib turish istagini bildirdi.

Yaqin orada "Yuventus" rahbariyati "Sampdoriya" bilan muzokara o‘tkazadi, chunki bu jamoa futbolchining xizmatlariga ko‘proq qiziqish bildirmoqda.

Insayderning qo‘shimcha qilishicha, kelishuv tafsilotlaridan biri futbolchi maoshining yarmini, ya’ni 1,4 million yevroni qoplab berish huquqi bo‘lishi mumkin.

Italiyalik himoyachi uchun boshqa da’vogarlar – “Empoli”, “Verona” va Turkiyaning “Galatasaroy” klublaridir.