Мюнхеннинг “Бавария” клуби янги мавсумнинг биринчи турида “Айнтрахт”ни сафарда 6:1 ҳисобида мағлуб этиб, Бундеслига рекордини ўрнатди.
Мюнхенликлар 6 та голдан 5 тасини биринчи бўлимда киритганди. Жошуа Киммих, Бенжамин Павар, Садио Мане, Жамал Мусиала ва Серж Гнабри биттадан гол уришди.
“Бавария” матбуот хизмати хабарига кўра, бу Бундеслиганинг биринчи туридаги биринчи бўлимдан кейин қайд этилган энг йирик натижа ҳисобланади.
Эслатиб ўтамиз, "Бавария" Германиянинг амалдаги чемпиони ҳисобланади. Мюнхенликлар сўнгги 10 мавсумдан буён кубокни қўлга киритмоқда.
