Мюнхеннинг "Бавария" клуби бош мураббийи Юлиан Нагельсманн Германия чемпионатининг 1-тури доирасидаги "Айнтрахт"га қарши ўтказилган сафар учрашувидан сўнг интервью берди. Амалдаги чемпион рақибини 6:1 ҳисобида мағлуб этди. Голлардан бирини жамоанинг янги ўйинчиси Садио Мане киритди.
"Маненинг келиши туфайли жамоа ҳужумда ранг-баранглашди. У бизга кўпроқ мослашувчанликни берди. Шу боис, биз камроқ ҳимояланяпмиз. Ҳозир жамоада ажойиб муҳит ҳукм сурмоқда, ўйлайманки, бу сўнгги ўйинда яққол намоён бўлди", - деди мутахассис клуб матбуот хизматига.
Мане "Ливерпул"дан 32 миллион еврога сотиб олинганди. Сенегаллик футболчи мюнхенликлар билан 3 йиллик шартнома имзолади.
